ხარაგაულის #2 საბავშვო ბაღის შენობაში ბუნებრივ აირზე ცენტრალური გათბობა უნდა მოეწყოს.

ამ მიზნით სკოლამდელ დაწესებულებათა გაერთიანების ბიუჯეტში 25 ათასი ლარია განსაზღვრული. გაერთიანების დირექტორის, მამუკა ჭიპაშვილის ინფორმაციით, მიმდინარეობს დამპროექტებლის შერჩევა, გაზიფიცირების სახარჯთაღრიცხვო დოკუმენტაციის მოსამზადებლად.

სავარაუდოდ, ივნისში გაერთიანება, ცენტრალური გათბობის სამონტაჟო სამუშაოებისთვის, ტენდერს გამოაცხადებს. გაერთიანებაში ვარაუდობენ, რომ ხარაგაულის #2 საბავშვო ბაღი თბობის სეზონს გაზიფიცირებული შეხვდება.

ნინო კაპანაძე