დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გამართულ ტრადიციულ ბრიფინგზე იმ წესებსა და რეკომენდაციებზე ისაუბრეს, რომლებიც ოფისებსა და დახურულ სივრცეებში თანამშრომლებმა და ხელმძღვანელებმა მუშაობისას უნდა გაითვალისწინონ.

ამ რეკომენდაციების მიხედვით, სოციალური დისტანცირების გარდა, სხვა წესების დაცვაც აუცილებელი იქნება. კერძოდ, დახურული სივრცის ხშირი და სწორი  განიავება, სველი წესით წმენდა, სათანადო სადეზინფექციო საშუალებების გამოყენება.

„წინააღმდეგ შემთხვევაში, მხოლოდ ორმეტრიანი დისტანციის დაცვა სამუშაო მაგიდებს შორის, ეფექტს ნამდვილად არ მოგვცემს და ამის იმედად არ უნდა ვიყოთ, – აღნიშნა გადამდებ დაავადებათა დეპარტამენტის ხელმძღვანელმა ხათუნა ზახაშვილმა.