დაავადებათა კონტროლის გადამდებ დაავადებათა დეპარტამენტის ხელმძღვანელის, ხათუნა ზახაშვილის,  რეკომენდაციით, ნაყიდი პროდუქცია აუცილებლად  უნდა გაირეცხოს. ამის შესახებ მან ცოტა ხნის წინ დაავადებათა კონტროლისა და საზოგადოებრივი ჯანმრთელობის ცენტრის მიერ გამართულ facebook ბრიფინგზე აღნიშნა.

„მზა პროდუქტები, რომლებიც იყიდება, რა თქმა უნდა, გარეცხვას არ საჭიროებს. თუმცა ის, რაც არის გასარეცხი, უნდა გაირეცხოს, განსაკუთრებით ხილი და ბოსტნეული, რომელიც ამ სეზონზე ყველაზე ხშირად მოიხმარება“.

ხათუნა ზახაშვილის თქმით, ნებისმიერი პროდუქტი, კორონას ვირუსის გარდა, შეიძლება რამე სხვა დაავადებასაც ატარებდეს. ამიტომ მისი გარეცხვით საკუთარ თავსაც და ოჯახის წევრებსაც უსაფრთხო გარემოს შევუქმნით.