2020 წლის აპრილში სამრეწველო პროდუქციის მწარმოებელთა ფასების ინდექსი წინა თვესთან შედარებით 1.5 %-ით გაიზარდა, ხოლო წინა წლის შესაბამის თვესთან შედარებით – 10.1%-ით.

ფასების 2.5 პროცენტიანი ზრდა დაფიქსირდა დამამუშავებელი მრეწველობის პროდუქციის ჯგუფზე და მისი წვლილი ინდექსის პროცენტული ცვლილების საერთო მაჩვენებელში 2.01 პროცენტული პუნქტით განისაზღვრა.

ჯგუფში შემავალი პროდუქტებიდან აღსანიშნავია ფასების ზრდა სასმელებზე (3.0 %), სხვა არალითონურ მინერალურ პროდუქტებზე (4.5 %) და ძირითად ლითონებზე (2.1 %).

12 თვიან პერიოდში ინდექსის ფორმირებაზე ძირითადი გავლენა ფასების ცვლილებამ იქონია:

  • დამამუშავებელი მრეწველობის პროდუქცია: ფასები გაიზარდა 10.9 %-ით, რამაც მთლიანი ინდექსის ზრდაზე 8.83 პროცენტული პუნქტით მოახდინა გავლენა.

ფასები გაიზარდა შემდეგ ქვეჯგუფებზე: კვების პროდუქტები (13.1 %), სასმელები (9.4 %), სხვა არალითონური მინერალური პროდუქტები (14.3 %);

  • სამთომოპოვებითი მრეწველობა და კარიერების დამუშავება: დაფიქსირდა ფასების 15.5 %-ანი ზრდა, რაც მთლიანი ინდექსის ცვლილებაზე 0.99 პროცენტული პუნქტით აისახა;
  • ელექტროენერგია, აირი, ორთქლი და კონდიცირებული ჰაერი: ფასები გაიზარდა 3.7 %-ით და შესაბამისად ჯგუფის წვლილმა მთლიან ინდექსზე 0.38 პროცენტული პუნქტით იქონია გავლენა.

დამატებითი ინფორმაცია შეგიძლიათ იხილოთ ბმულზე.