კორონავირუსის პანდემიის გამო, მეორე თვეა, სამგზავრო მატარებლების გადაადგილება აკრძალულია.

ს/ს საქართველოს რკინიგზადან მოპოვებული ინფორმაციით, მუშაობენ იმისთვის, რომ მთავრობის გადაწყვეტილებას მატარებლების მიმოსვლის აღდგენაზე, მზად შეხვდნენ.

-მატარებლები ტექნიკურად სრულ მზადყოფნაშია, – ამბობს საქართველოს რკინიგზას პრესცენტრის წარმომადგენელი თამარ დეკანოიძე, – ჯანდაცვის სამინისტრო, ალბათ, მგზავრთა გადაყვანისას საერთაშორისო ნორმების გათვალისწინებას მოგვთხოვს და ვაგონებში მგზავრების განლაგებაც სხვაგვარად მოხდება.

სავარაუდოდ ივნისის შუა რიცხვებისთვის სამგზავრო მატარებლების მიმოსვლა დაიშვება, თუმცა, ყველაფერი ეპიდსიტუაციაზეა დამოკიდებული.

მაქსიმალური სისუფთავე იქნება დაცული საგარეუბნო მატარებლებში. ამ მატარებლების ვაგონები გადატვირთული იყო, ახლა ასე ვეღარ გაგრძელდება.

ნინო კაპანაძე