საქართველოს გასტრონომიის ასოციაცია კვების დაწესებულებებში ქცევის წესებთან დაკავშირებულ რეკომენდაციებს ავრცელებს. 

ასოციაციის განცხადებით, „გაიდლაინის“ მიზანია, გამოკვეთოს დამატებითი ზომები, რაც უზრუნველყოფს კვების ჯაჭვის მთლიანობის შენარჩუნებასა და მომხმარებლისთვის უვნებელი სურსათის მიწოდებას.

რეგულაციების მიხედვით კაფეებში, რესტორნებსა და სხვა ტიპის კვებით დაწესებულებებში გასათვალისწინებელია შემდეგი რჩევები:

  1. უზრუნველყავით მაგიდის წინასწარ დაჯავშნა; 
  2. უზრუნველყავით დასაქმებულთა და მომხმარებელთა ყოველდღიური თერმოსკრინინგი;
  3. უპირატესობა მიანიჭეთ უნაღდო ანგარიშსწორებას;
  4. დაიცავით თანამშრომლების მითითებები;
  5. მაგიდებს შორის დაიცავით უსაფრთხო მანძილი, არანაკლებ 2 მეტრისა;
  6. მომხმარებელთა შორის უზრუნველყოფილი უნდა იყოს არა ნაკლებ ერთმეტრიანი დისტანცია;
  7. მაგიდასთან მოათავსეთ არა უმეტეს 6 მომხმარებელი; გამონაკლისი სახით შესაძლებელია ოჯახის წევრებისა და 12 წლამდე მოზარდის ერთ მაგიდასთან განთავსება;
  8. ბართან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად;
  9. იმ შემთხვევაში, თუ ვერ ხერხდება 2-მეტრიანი უსაფრთხო დისტანციის დაცვა, შესაძლებელია, გამოყენებულ იქნას დროებითი დისტანციის ბარიერი;
  10. გამოიყენეთ ინდივიდუალური გამასპინძლების წესი;
  11. გამოიყენეთ სტუმრებისთვის ბეჭდური (ერთჯერადი) მენიუს შეთავაზება. ელექტრონული მენიუს შეთავაზების შემთხვევაში, მენიუს დაფასთან ხელების ჰიგიენური დამუშავებისთვის განათავსეთ სადეზინფექციო საშუალებები;
  12. განათავსეთ თვალსაჩინო ადგილას განცხადებები COVID19-ის პრევენციული ღონისძიებების შესახებ“.

აღნიშნული რეგულაციები შრომის ინსპექციის, ტურიზმის ეროვნული ადმინისტრაციისა და სურსათის ეროვნული სააგენტოს მიერ არის შექმნილი.