19 მაისს, 13:00 საათიდან 16 საათამდე, გამოცდების ეროვნულ ცენტრში ღია კარის დღე გაიმართება.  ცენტრის წარმომადგენლები სტუდენტთა საგრანტო კონკურში მონაწილეთა კითხვებს უპასუხებენ. კითხვების დასმა ცენტრის facebook-გვერდზე შეგეძლებათ.

შეგახსენებთ, რომ გამოცდების ეროვნულმა ცენტრმა უკვე გამოაქვეყნა სია აბიტურიენტების საგნების არჩევანის შესახებ. აბიტურიენტების ყველაზე დიდმა  ნაწილმა დამატებით საგნად ისტორია აირჩია. 

სხვა საგნებზე აბიტურინტთა არჩევანი შემდეგნაირად გადანაწილდა. 

  • ისტორია – აირჩია 22 850-ზე მეტმა აბიტურიენტმა;
  • მათემატიკა – 12 660-მა აბიტურიენტმა;
  • ბიოლოგია – 3250-მა აბიტურიენტმა;
  • გეოგრაფია – 1040-მა აბიტურიენტმა;
  • ზოგადი უნარები – 4500-მა აბიტურიენტმა;
  • ლიტერატურა – 920-მა აბიტურიენტმა;
  • სამოქალაქო განათლება – 430-მა აბიტურიენტმა;
  • ქიმია – 2340-მა აბიტურიენტმა;
  • ფიზიკა – 200-მა აბიტურიენტმა;
  • სახვითი და გამოყენებითი ხელოვნება – აირჩია 50-ზე მეტმა აბიტურიენტმა.

შეფასებისა და გამოცდების ეროვნული ცენტრი კიდევ ერთხელ ახსენებს აბიტურიენტებს, რომ მათ საგანმანათლებლო პროგრამების შეცვლისა და დამატების შესაძლებლობა აპელაციების შედეგების გამოქვეყნებიდან მომდევნო დღის ჩათვლით ექნებათ.