მერაბ არევაძის გარდაცვალების დღიდან 8 წელი გავიდა. 2012 წლის 16 მაისს ბრაკონიერებმა განსაკუთრებული სისასტიკით სიცოცხლეს გამოასალმეს უფროსი რეინჯერი.

მერაბ არევაძე ბორჯომ-ხარაგაულის ეროვნულ პარკში დაარსების დღიდან მუშაობდა. მეგობრების თქმით, მას ბავშვობიდან განსაკუთრებული სიყვარული აკავშირებდა ბუნებასთან, ყველა სტუმარი ეროვნულ პარკში მიჰყავდა და ეუბნებოდა, ამაზე უკეთეს ადგილებს თქვენ ვერსად ნახავთო.

მერაბ არევაძე საყვარელ საქმეს შეეწირა. მას ფასდაუდებელი ღვაწლი მიუძღვის ბორჯომ-ხარაგაულის ეროვნული პარკის საქმიანობაში და გასაოცარი სიმამაცე გამოავლინა მის დასაცავად.

რვა წლის წინანდელი ტრაგედიის შესახებ შეგახსენებთ ნინო ბაქრაძის ჟურნალისტურ გამოძიებას – რეინჯერის მკვლელობის „ტყვიაგაუმტარი“ გამოძიება.