დღეს, 14 მაისს გამართულ მთავრობის სხდომაზე საქართველოს პრემიერ მინისტრმა გიორგი გახარიამ  სხვადასხვა შეზღუდვების მოხსნაზე ისაუბრა. მისი განცხადებით, 18 მაისიდან სილამაზის სალონები და ესთეტიური მედიცინის ცენტრები ამუშავდება.

„ასევე იხსნება შეზღუდვა სამ ადამიანზე შეკრების თვალსაზრისით, როგორც ღია, ისე დახურულ სივრცეში. თუმცა ავტომობილით სამ ადამიანზე მეტის გადაადგილების შეზღუდვა კვლავ ძალაში რჩება. დღეს სრულად იხსნება მოძრაობა რუსთავსა და გარდაბანში. ასევე, 18 მაისიდან მოიხსნება საკარანტინო ზონა მარნეულში“, –  აღნიშნა გიორგი გახარიამ.