ბოლო 24 საათში კორონავირუსისგან საქართველოში 11 ადამიანი განიკურნა. გამოჯანმრთელებულთა საერთო რაოდენობა 383- ია.

თბილისის ინფექციური საავადმყოფოს სამედიცინო დირექტორის, მარინა ეზუგბაიას, ინფორმაციით, დღეს საქართველოში კორონავირუსის 5 ახალი შემთხვევა დაფიქსირდა.

„ხუთივე მათგანი გადმოყვანილია საკარანტინო ზონიდან და მათი დაინფიცირების წყარო ცნობილია. ამ დროის მონაცემებით, კლინიკებში კოვიდინფექციაზე 258 პაციენტი მკურნალობს, რაც  დადასტურებული შემთხვევების 33%-ია“, – ამბობს მარინა ეზუგბაია.

კარანტინის რეჟიმში 4246 ადამიანი რჩება, ხოლო სტაციონარში მეთვალყურეობის ქვეშ – 394.