სექტემბერში ეპიდსიტუაციის გართულებას არ ველოდებით და სწავლის გადადების საფუძველი, ამ ეტაპზე არ არსებობს, – აღინიშნა ფეისბუქკონფერენციაზე, რომელიც ამ წუთებში დაავადებათა კონტროლის ეროვნულ ცენტრში მიმდინარეობს.

თუმცა, მნიშვნელოვანია ის, თუ როგორ შევხვდებით ზამთარს, რადგან რესპირატორული დაავადებები შემოდგომის ბოლოდან ვრცელდება.

„კორონავირუსთან ერთად ცხოვრება უნდა ვისწავლოთ, – ამბობს დაავადებათა კონტროლის ეროვნული ცენტრის დირექტორი ამირან გამყრელიძე, – ეს იმას გულისხმობს, რომ ზოგიერთ ძალიან კარგ ტრადიციაზე, განსაკურებით შემოდგომაზე დიდი ქორწილების გამართვისგან, უარის თქმა მოგვიწევს.“