რა არის თქვენთვის ევროპა? – ამ თემაზე CENN-ის მიერ ევროპის დღისადმი გამოცხადებული კონკურსის გამარჯვებულები ცნობილია.

კონკურსის ფარგლებში, მონაწილეებს უნდა შეექმნათ ერთი ვიზუალური ტიპის ნამუშევარი (ნახატი, გრაფიკული ნამუშევარი და სხვ.).

კონკურსში 21-მა მოსწავლემ გაიმარჯვა; მათ შორის ორი გამარჯვებული ხარაგაულიდანაა. ჟიურის მაღალი შეფასება ხარაგაულის #2 საჯარო სკოლის მოსწავლე ნინო კურტანიძისა და კიცხის საჯარო სკოლის მოსწავლე შოთა ზვიადაძის ნამუშევრებმა დაიმსახურა.

დეტალები, გამარჯვებული ავტორების დასაჩუქრების თაობაზე, მოგვიანებით გამოცხადდება.

ევროპის დღეს ევროკავშირი და მისი წევრი სახელმწიფოები 9 მაისს ზეიმობენ. ეს დღე 1950 წლის შუმანის ისტორიული დეკლარაციის აღსანიშნავად დაწესდა.

ნინო კაპანაძე