დღეს, 7 მაისს, კორონავირუსით დაავადებულთა რაოდენობა საქართველოში 5 პაციენტით გაიზარდა.

თბილისის ინფექციური საავადმყოფოს სამედიცინო დირექტორის, მარინა ეზუგბაიას, ინფორმაციით ხუთივე პაციენტი კარანტის სივრციდან გადმოიყვანეს და მათი კონტაქტების დადგენა აქტიურად მიმდინარეობს.

ბოლო 24 საათში გამოჯანმრთელებულ პაციენტთა რაოდენოდობა 6-ით გაიზარდა. სულ საქართველოში 275 პაციენტი გამოჯანმრთელდა. კლინიკებში კორონავირუსზე მკურნალობას 331 პაციენტი აგრეძელებს.

„დაავადების ახალი წყარო, ჯერჯერობით, არ შეგვმატებია. თუ მოსახლეობა და ჩვენ ყველა სწორად მოვიქცევით, დავიცავთ რეკომენდაციებს, იმედი მაქვს ასეთი მდგომარეობას შევინარჩუნებთ და ეს იქნება საწინდარი იმისა, რომ ეპიდემიას დავძლევთ“, – ამბობს მარინა ეზუგბაია.