კორონავირუსით ინფიცირებულთა შორის სამედიცინო სფეროს წარმომადგენლებიც არიან.

„ბევრს აინტერესებს, სად და როგორ დაინფიცირდნენ ექიმები – უმრავლესობა საყოფაცხოვრებო პირობებში, შესვენებების დროს დაინფიცირდა და არა ავადმყოფებთან ურთიერთობისას, – ამბობს დაავადებათა კონტროლის ეროვნული ცენტრის დირექტორი ამირან გამყრელიძე, – ყოველდღე ვთხოვ სამედიცინო დაწესებულებების მენეჯერებს, რომ გამოაკრან ვიდეოინსტრუქცია, თუ როგორ უნდა გამოიყენონ ექიმებმა დამცავი საშულებები.

დიდი მნიშვნელობა აქვს ეკიპირებისა და დამცავი საშუალებების როგორც ჩაცმის, ისე გახდის მიმდევრობას.

ვერ გეტყვით, გაჩნდება თუ არა ექიმების დეფიციტი, თუ მედიკოსების დაინფიცირება ასე გაგრძელდა. ყველაფერი ეპიდსიტუაციაზეა დამოკიდებული.

სამედიცინო პერსპონალმა უნდა იცოდეს, რომ ისინი კრიტიკულად მნიშვნელოვანი არიან პანდემიის დროს. სხვა გზა არ გვაქვს, როცა მთელი მსოფლიო ამ დიდი გამოწვევის წინაშეა. პირველ რიგში, ექიმებმა უნდა შევინარჩუნოთ ჯანმრთელობა და წესები სწორად დავიცვათ.