საქართველოში კორონავირუსის შიდა გავრცელება 23 მარტს დაიწყო. დაავადებათა კონტროლის ცენტრის დირექტორი ამირან გამყრელიძე ამბობს, რომ ინფექციის შიდა გავრცელების დაწყებიდან VI-VIII კვირები არის განსაკუთრებით საფრხილო. ეს პერიოდი 4-დან 18 მაისამდეა.

მისი განცხადებით, ამასობაში თბილი და მდგრადი ამინდებიც დადგება და ისიც შეგვეხიდება, მაგრამ ჩვენ უნდა ვისწავლოთ კოვიდთან თანაცხოვრება.

– ისეთი შეზღუდვები არ დაგვიწესებია, რაც სხვა ქვეყნებში არ მოქმედებდა, – ამბობს ამირან გამყრელიძე, – შემზღუდავი ღონისძიებები საკმაოდ ეფექტურად გავატარეთ და ამიტომაა, რომ ყოველდღიურად დაინფიცირების ასეული შემთხვევები არ გვაქვს.

დათბა და ისევ გვინდა ჯგუფურად შეკრება. ცოტა კიდევ უნდა გავიჭირვოთ და თავი შევიკავოთ. ახალ კორონავირუსთან საბრძოლველად ყველაზე მძლავრი იარაღი სოციალური დისტანცირებაა და უკეთესს ვერ მოვიგონებთ.

კორონამ სამყარო შეარყია და შეცვალა სახელმწიფოების, ადამიანების ურთიერთობები.

ამიტომ ეს დიდი განსჯის საგანია, როგორი იქნება პოსტკორონასეული სამყარო. კორონავირუსთან ერთად ცხოვრება უნდა ვისწავლოთ და ეს მოგვიწევს. ვაქცინით პრობლემა დარეგულირდება. თუ პირდაპირ სამკურნალო წამალი შეიქმნა, ხომ კარგი, მაგრამ ვირუსები დღეს გამოწვევაა. იმედია, ადამიანის ინტელექტი ახლადწარმოშობილ ინფექციებს აჯობებს.