ამ წუთებში დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ამირან გამყრელიძე ფეისბუქკონფერენციას მართავს.

მისი ინფორმაციით, საქართველოში ყოველდღიურად გამოჯანმრთელებულთა რაოდენობა დაინფიცირებულთა რაოდენობას აჭარბებს.

ყოველდღიურად ფრთოვდება ტესტირება. ამჟამად ყოველდღიურად 1110-1200 ტესტი ტარდება. 15 მაისისთვის ტესტირებულთა რაოდენობა 1500-მდე გაიზრდება, მაისის ბოლოსთვის კი დღეში – 2000-მდე.

ეს არის ოქროს სტანდარტით ტესტირება, რასაც დღეს ქვეყანაში 12 ლაბორატორია ატარებს.

რაღაც ეტაპზე უფრო მეტად გავაფართოვებთ ტესტირებას და ეს გეგმა ხვალ იქნება. უკვე ზეგიდან დაიწყება მისი განხორციელება. ჩვენს გეგმაში არის ფარმაცევტული კომპანიის 8000-მდე თანამშრომლის ტესტირება და მიმდინარეობს აღრიცხვა სასურსათო მაღაზიებისაც, რომ მეტად დავიზღვიოთ თავი.

ჩვენ კორონავირუსთან ერთად ცხოვრება უნდა ვისწავლოთ და ამიტომ გარკვეული ჯგუფების პერმანენტული იდენტიფიცირება დაგვჭირდება.

ამ მომენტისთვის საქართველოში კორონავირუსის 604 დადასტურებული შემთხვევაა, მათ შორის გამოჯანმრთელებულია 240 პირი, გარდაცვლილია 9 მოქალაქე.

კარანტინის რეჟიმში რჩება 4919 ადამიანი, სტაციონარში მეთვალყურეობის ქვეშ – 497.