აგრარულ ბაზრებში, კორონავირუსის გავრცელების პრევენციის მიზნით, დასუფთავების სამუშაოები მიმდინარეობს.

ამ სავაჭრო ობიექტებს ფუნქციონირების უფლება მხოლოდ სურსათის ეროვნული სააგენტოს რეკომენდაციების შესრულების შემდეგ ეძლევათ.

იმის გამო, რომ შესაბამისი რეკომენდაციების დაკმაყოფილება ვერ შეძლო, ხარაგაულის აგრარული ბაზარი 31 მარტიდან დღემდე დახურულია.

იმერეთში 5 მაისის მდგომარეობით ათი აგრარული ბაზარი ფუნქციონირებს:

  • ვანის აგრარული ბაზარი;
  • ზესტაფონის აგრარული ბაზარი;
  • სამტრედიის აგრარული ბაზარი;
  • საჩხერის აგრარული ბაზარი;
  • ქუთაისის 4 აგრარული ბაზარი;
  • ჭიათურის აგრარული ბაზარი;
  • ხონის აგრარული ბაზარი.

თითოეულ აგრარულ ბაზარში თერმოსკრინინგი ტარდება და ადმინისტრაცია დისტანციის დაცვას უზრუნველყოფს.

ფოტოზე – ზესტაფონის აგრარული ბაზარი