ამ საღამოს ხარაგაულში ბუნებრივი აირით მოსარგებლე მომხმარებლებს გაზის მიწოდება შეუწყდათ.

ჩვენ ტელეფონით დავუკავშირდით „სოკარ ჯორჯია გაზის“ ზესტაფონის სერვისცენტრის მენეჯერს ლევან აბაშიძეს, რომელმაც გვაცნობა, რომ „სამშენებლო კომპანია „ბლექ სი გრუპმა“ „დევების“ მიმდებარე ტერიტორიაზე ბუნებრივი აირის მაგისტრალი დააზიანა. აღდგენითი სამუშაოები უკვე მიმდინარეობს. თუ მოვასწარით, დაბა ხარაგაულის მოსახლეობას ბუნებრივ აირს ამ საღამოსვე მივაწვდით, ხოლო სოფლებში გაზის ჩართვას ხვალ დილიდან დავიწყებთ“.

„სოკარ ჯორჯია გაზის“ კომპანია მომხმარებლებს სიფრთხილისკენ მოგვიწოდებს და გვირჩევს, რომ გაზის დანადგარები და ონკანები ჩაკეტილ მდგომარეობაში ვიქონიოთ.