ხვალიდან, 5 მაისიდან, ნებადართულია ავტოსარემონტო კომპანიების მუშაობა.

ამის შესახებ პრემიერ-მინისტრმა მთავრობის სხდომაზე დღეს განაცხადა.

„ეს კრიტიკულად მნიშვნელოვანია როგორც ლოჯისტიკური ბიზნესისთვის, ასევე გადაზიდვებისთვის, – აღნიშნა გიორგი გახარიამ, – ეს ის ნაბიჯია, რის განხორციელებისა და გადადგმის შესაძლებლობაც ჩვენ დღეს გვაქვს“.

ხვალიდან, 5 მაისიდან, ასევე შეძლებს მუშაობის განახლებას ყველა ის კომპანია, რომელიც სხვადასხვა სახით სამშენებლო ბიზნესთან არიან დაკავშირებულნი.

პრემიერ-მინისტრმა მთავრობის სხდომაზე აღნიშნა, რომ ამოქმედებულ კომპანიებსა და საწარმოებს ყოველდღიურად შეამოწმებს ჯანდაცვისა და ეკონომიკის სამინისტროების ბაზაზე შექმნილი სპეციალური კომისია, თუ რამდენად სრულდება კორონავირუსის გავრცელების პრევენციის მიზნით დაწესებული რეკომენდაციები.