ეს ინფორმაცია საგანგებო სიტუაციების კოორდინაციისა და გადაუდებელი დახმარების ცენტრიდან მოვიპოვეთ.

ამ მომენტისთვის იმერეთში კორონავირუსზე გამოკვლეულია სასწრაფო-სამედიცინო დახმარების ქუთაისის ბრიგადები. covid-19 არც ერთ მათგანს არ დაუდასტურდა.

მიმდინარე კვირაში იგეგმება იმერეთის 11 მუნიციპალიტეტის სასწრაფო-სამედიცინო დახმარების ბრიგადების ტესტირება.

მოწოდებული ინფორმაციით, საქართველოში მოქმედი სასწრაფო-სამედიცინო დახმარების ყველა ცენტრი სპეცეკიპირებით მომარაგებულია.

შეგახსენებთ, რომ საქართველოში ახალი კორონავირუსით ინფიცირებულთა 12,7% სამედიცინო სფეროს წარმომადგენელია.

ამჟამად საქართველოში კორონავირუსის 593 დადასტურებული შემთხვევაა. მათ შორის გამოჯანმრთელებულია 223 პირი, გარდაცვლილია 9 ინფიცირებული.

კარანტინის რეჟიმშია – 5028 მოქალაქე, სტაციონარში მეთვალყურეობის ქვეშ – 537.

ხარაგაულის მუნიციპალიტეტში 19 პირია თვითიზოლაციაში.

ხარაგაულის მუნიციპალიტეტში, ჯერჯერობით, კორონავირუსი არც ერთ მოქალაქეს არ დადასტურებია.

ნინო კაპანაძე