კორონავირუსის პანდემიის პირობებში როდის განიხილავს საკონსტიტუციო სასამართლო დაგროვებითი საპენსიო სისტემის გაუქმების შესახებ სარჩელს, ჯერჯერობით, უცნობია.

„სამწუხაროდ, ვერაფერს გეტყვით. მინიმუმ, სანამ ეს შეზღუდვები არ მოიხსნება, ალბათ, არაფერი იქნება.  სასამართლოც თვითიზოლაციაშია, – ამბობს „ჩემი ხარაგაულის“ რედაქციასთან საუბარში მოსარჩელე, ა/ო „საქართველოს დემოკრატიული ინიციატივის“ დირექტორი გიორგი მშვენიერაძე. 

საკონსტიტუციო სასამართლოში სხდომა ჯერ 2020 წლის იანვრის ბოლოს, შემდეგ კი თებერვალში უნდა გამართულიყო. სხდომების გადადების მიზეზი მოსარჩელე მხარისთვის უცნობია.

საქართველოში პენსიის დაგროვების ახალი სისტემა 2019 წლის პირველი იანვრიდან ამოქმედდა. ამ სისტემით, დანაზოგი დამსაქმებლის, დასაქმებულისა და სახელმწიფოს თანამონაწილეობით იქმნება.

საპენსიო რეფორმა „საქართველოს დემოკრატიულმა ინიციატივამ“ საკონსტიტუციო სასამართლოში 2019 წლის იანვარში გაასაჩივრა. 

ნინო კაპანაძე

ფოტოზე: საკონსტიტუციო სასამართლო