დაავადებათა კონტროლის ეროვნული ცენტრის დირექტორი ამირან გამყრელიძე გვირჩევს, რომ მაღაზიაში ნაყიდი პროდუქტები თერმულად დავამუშაოთ.

-მოგეხსენებათ, კორონავირუსი წვეთოვანი გზით გადამცემი ინფექციაა, – ამბობს ამირან გამყრელიძე, – ამავე დროს ის დაბინძურებული საგნებითაც გადადის. ამიტომ კორონავირუსისგან თავდაცვისთვის პირადი და საზოგადობრივი ჰიგიენა ერთ-ერთი მთავარი იარაღია.

ყველა დაწესებულებაში, სადაც შედიხართ, სადეზინფექციო საშუალებებით ხელების დამუშავების კულტურა ჩამოყალიბდა. ეს სხვა ინფექციების კონტროლის დროსაც გამოგვადგება.

პროდუქტები, რომელიც მაღაზიიდან სახლში შეგვაქვს, უნდა გაირეცხოს, ზოგი – დაიმდუღროს. პირადი და საზოგადოებრივი ჰიგიენის დაცვა იმის წინაპირობაა, რომ ინფექცია არ გავრცელდება.