სოციალური დისტანცირების შემდეგ დაავადების ადრეულ ეტაპზე იდენტიფიცირება ერთ-ერთი მთავარი იარაღია კორონავირუსთან ბრძოლაში, – ამის შესახებ დაავადებათა კონტროლის ეროვნული ცენტრის დირექტორი ამირან გამყრელიძე საუბრობს.

მისი განმარტებით, აუცილებელია სწრაფ ანტიგენზე დამყარებული ტესტირებაც და ანტისხეულებზე დამყარებულიც.

-ამჟამად საქართველოში 5 ლაბორატორია აწარმოებს პისიარ ტესტირებას და მათთვის საკმარისი ტესტების მარაგიც გვაქვს, – ამბობს ამირან გამყრელიძე, – თანდათანობით 15 ლაბორატორიამდე უნდა მივიდეთ. გვაქვს განრიგი, როგორ შეივსება ტესტების რაოდენობა.

როცა გაფართოებულ ტესტირებაზე ვსაუბრობთ, მეტი ლაბორატორიული სიძლავრეები გვჭირდება და სწრაფი ტესტირება თავად კლინიკებმა უნდა აწარმოონ. ამჟამად ქვეყანაში კორონავირუსის სამკურნალო 14 კლინიკა და 17 ე.წ. ცხელების ცენტრი გვაქვს.

ყველა ცხელებიანი ადამიანი ცხელების ცენტრში გადაჰყავთ და 24 საათის შემდეგ მიღებული ლაბორატორიული ტესტის პასუხის შესაბამისად ამისამართებენ. ცხელების ცენტრების ამოქმედება, პირველად ჯანდაცვასა და 112-ში კონსულტაციების მექანიზმის დანერგვა, შეკავების ფაზაში ერთ-ერთი მთავარი ამოცანა იყო, რომ ჰოსპიტალური სექტორი დაავადებულთა უფრო დიდ ტალღას მომზადებული შეხვდეს.

კიდევ ერთხელ მოგიწოდებთ, რომ დარჩით სახლში, დაიცავით სოციალური დისტანცია პირად ჰიგიენასთან ერთად. ეს გახლავთ ყველაზე მძლავრი იარაღი კორონავირუსთან ბრძოლის წინააღმდეგ.