როგორ აღვნიშნოთ აღდგომა ახალი კორონავირუსის პანდემიის პირობებში, – ამ შეკითხვაზე დაავადებათა კონტროლის ეროვნული ცენტრის დირექტორი ამირან გამყრელიძე პასუხობს:

-კვირას არის ყველაზე დიდი საუფლო დღესასწაული – აღდგომა. ხშირად ისმის კითხვა, როგორ უნდა აღინიშნოს წელს. ამასთან დაკავშირებით მიმდინარეობს კონსულტაციები საქართველოს ეკლესიასთან, რომელიც გახლავთ ყველაზე უფრო მაღალრეიტინგული ინსტიტუცია, რომელიც საუკუნეების განმავლობაში ხელს უწყობდა და უწყობს ერის განვითარებას, ჯანმრთელობას, განათლებას.

მომავალი ორი კვირა – ვნების და შემდეგ ბრწყინვალე შვიდეულის, იქნება რთული. ამიტომ უნდა გავითავისოთ, როგორ მოვიქცევით – თავი უნდა ავარიდოთ დიდ თავყრილობებს ეკლესიებში, ოჯახებსა და  სასაფლაოებზე.

იმედი მაქვს, საპატრიარქოსთან ოქროს შუალედი და კონსესუსი გამოიძებნება, რომ მომდევნო ორი კვირის განმავლობაში ჩვენი მოსახლეობის ჯანმრთელობას ზიანი არ მიადგეს და ქვეყანაში ფართომასშტაბიანი ეპიდემია არ დაიწყოს.

კანონით გამოცხადებულია საგანგებო მდგომარეობა. ჩვენ ვიბრძოდით იმისთვის, რომ ვყოფილიყავით სამართლებრივი ქვეყანა, სადაც უზენაესი კანონია. ყველა უნდა დავემორჩილოთ კანონს – ექიმი, იურისტი, მასწავლებელი, საეკლესიო მოღვაწე, თუ გვინდა, რომ არ მივიღოთ ათასობით დაინფიცირებული.

ჯერ ჩვენ პიკში არ ვართ, პიკი წინ გველის. მოვუფრთხილდეთ ამ ორი კვირის განმავლობაში ყველაფერს, ნაკლებად ვესტუმროთ, წირვა-ლოცვაზე ვიყოთ ნაკლებად აქტიურები. განსაკუთრებით მნიშვნელოვანია, რომ ბრწყინვალე შვიდეულში თავი შევიკაოთ სასაფლაოზე გასვლისგან და ოჯახიდან ერთი ადამიანი მივიდეს. ამ ორი კვირის განმავლობაში ყველაფერი უნდა გაკეთდეს, რომ პიკში არ შევიდეთ.