
ახალი კორონავირუსით გამოწვეული ეპიდსიტუაცია დაავადებათა კონტროლის ეროვნული ცენტრის დირექტორმა ამირან გამყრელიძემ შეაფასა და მოსახლეობას რეკომენდაციების დაცვისკენ მოუწოდა:
მსოფლიოსა და საქართველოში მდგომარეობა მნიშვნელოვნად იძაბება, – ამბობს ამირან გამყრელიძე, – სერიოზული ზრდაა ახალი შემთხვევების და გავრცელების, განსაკუთრებით თურქეთში, რუსეთში, სომხეთსა და აზერბაიჯანში. ამ ფონზე თითქოს შედარებით მშვიდად გამოვიყურებით, მაგრამ გუშინდელი დღე იყო პირველი ე. წ. ნახტომი, როცა ერთდროულად 30 ახალი შემთხვევა დავაფიქსირეთ.
ეს ძალიან საყურადღებო და საგანგაშოა. იტალიის, ირანის, ეროვნული ბანკის, მარნეულის, ქობულეთის კლასტერებს დაემატა მედიცინის მუშაკებისა და სასულიერო პირის დაინფიცირება. კორონავირუსით ინფიცირების შემთხვევები უკვე ყველა სოციალურ ფენაშია. ვირუსი გლობალურად ცირკულირებს და ჯერჯერობით არ არსებობს მასთან რადიკალურად ბრძოლის საშუალებები.
ერთადერთი იარაღი, რომელიც ვირუსს შეაკავებს, გახლავთ სოციალური დისტანცირება და მისი ყველაზე კარგი ინსტრუმენტი – სლოგანად ქცეული – დარჩი სახლში. ამაზე უკეთესი ამ ეტაპზე, სანამ ვაქცინა და წამალი შეიქმნება, არ არსებობს. დარჩით სახლში, დაიცავით სოციალური დისტანცირება და პირადი ჰიგიენა.
ამ დრომდე იმიტომ არ გვყავს უფრო მეტი ინფიცირებული, რომ სიტუაციას ვაკონტროლებთ. ამას ემსახურებოდა ქვეყანაში საგანგებო მდგომარეობის შემოღებაც, მაგრამ დამშვიდების უფლება არ გვაქვს. ქალაქში ისევ ბევრი მანქანა დადის და ისევ დიდი მოძრაობაა, ისევ იკრიბებიან ადამიანები და ამით ცეცხლს ეთამაშებიან.
დამიჯერეთ, მომავალი 2-3 კვირა იქნება მძიმე, თუ ჩვენ დღეს ყურადღებას მოვადუნებთ. აპრილის ბოლოს, მაისის პირველ დეკადაში, რამდენიმე ათასეული შემთხვევა გვექნება, რომლის მართვაც, საკმაოდ მძიმე ტვირთი იქნება ჯანდაცვის სისტემისთვის.
ამიტომ ვთხოვ და მოვუწოდებ მოსახლეობას, დავიცვათ ყველა წესი, არ შევიკრიბოთ სამ ადამიანზე მეტი, არ გავმართოთ ქეიფები, ქორწილები, მწუხრის სუფრა. თავი შევიკავოთ ტრადიციული რელიგიური და არარელიგიური დღესასწაულებისგან.
ხარაგაულის მუნიციპალიტეტის დამეწყრილ სოფლებში
გასულ კვირას აშშ-ის ელჩის მოვალეობის შემსრულებელი ალან პერსელი
შეფასებისა და გამოცდების ეროვნულმა ცენტრმა 2025 წლის ერთიანი ეროვნული
2025 წლის 23 აგვისტოს გადამფრენ ფრინველებზე
საქართველოს ჟურნალისტური ეთიკის ქარტია განცხადებას აქვეყნებს,