ამის შესახებ საქართველოს პრემიერ-მინისტრმა გიორგი გახარიამ ამ წუთებში ბრიფინგზე განაცხადა. მთავრობა ამისთვის მიმართავს პრეზიდენტს.

15 აპრილის 21:00 საათიდან, ათი დღით, ოთხი დიდი ქალაქიდან – თბილისი, რუსთავი, ბათუმი და ქუთაისი – ყველა სახის ტრანსპორტით მოძრაობა – ქალაქში შესვლა და გამოსვლა აიკრძალება.

პრემიერ-მინისტრმა ისიც აღნიშნა, რომ ქალაქებში შეშვებაზე გამონაკლისები იქნება – „რა თქმა უნდა, გარკვეული გამონაკლისები იქნება, რომლის დასაკმაყოფილებლადაც მოქალაქეებს შეუძლიათ ცხელ ხაზს მიმართონ “.

ცხელია ხაზის ნომერია – 144

„ქვეყანაში სრულმასშტაბიანი გავრცელების ეტაპზე გადავედით, – განაცხადა გიორგი გახარიამ, – დღეს გვაქვს პირველი შემთხვევა, როცა ერთი დღის განმავლობაში 30 ადამიანს დაუდასტურდა კორონავირუსით ინფიცირება. 500 ადამიანი კი გამოკვლევას გადის.

მადლობა ექიმებს, მაგრამ ზუსტად ვერავინ ამბობს, როდის იქნება საქართველოში გავრცლების პიკი. ამ გაურკვევლობის ზონაში მთავრობის ყველა მოქმედებას აქვს ფასი.

ეს ნაბიჯები საჭიროა იმისთვის, რომ ვირუსის გავრცელება შევანელოთ“.

მთავრობის ადმინისტრაციაში ბრიფინგი საკოორდინაციო საბჭოს სხდომის შემდეგ გაიმართა.