ახალი კორონავირუსი ჭიათურის სოფელ ითხვისში მცხოვრებ ახალგაზრდა მამაკაცს დაუდასტურდა.

ეს ჭიათურაში კორონავირუსით ინფიცირების პირველი შემთხვევაა. ჭიათურის საზოგადოებრივი ჯანდაცვის ცენტრის დირექტორის, ხათუნა კუპატაძის ინფორმაციით, ახალგაზრდა თბილისში ცხოვრობს და ის 6 აპრილს სოფელში მშობლებთან ერთი დღით ჩამოვიდა. ვირუსის სიმპტომები მას დედაქალაქში ჩასვლის შემდეგ გამოუვლინდა.

ამჟამად საჩხერის საავადმყოფოში მაღალი ტემპერატურით გადაყვანილია ინფიცირებულის დედა და მას ანალიზი აუღეს. ახალგაზრდა მამაკაცის მამა და და კი თვითიზოლაციაში იმყოფებიან.