ზოგიერთი მედიასაშუალების ჟურნალისტებისგან კორონავირუსის პანდემიის გაშუქებას თბილისის სახელმწიფო უნივერსიტეტის ასოცირებული პროფესორი მაია ტორაძე სოციალურ ქსელში ეხმიანება:
– დააკვირდით ინფექციონისტებს, კორონავირუსით ინფიცირებულებზე როგორ ლაპარაკობენ – პაციენტი ნომერი 3, პაციენტი ნომერი 5 და ა.შ. რატომ? იმიტომ, რომ მათ იციან – პიროვნების იდენტიფიცირება ადამიანთა გარიყვას გამოიწვევს. არ ვსაუბრობ პირად ინფორმაციებზეო, – მარინა ეზუგბაიამ.
საქართველო პატარა ქვეყანაა და აქ პირის დადგენა ძნელი არაა.
ამ პატარა ქვეყანაში სხვა კულტურა იყო ურთიერთობის, ნათესაობის, მეზობლობის და მიუხედავად იმისა, რომ ახლა ჭირისუფლებიც კი თავად უთვლიან მოკეთეებს – არ მოხვიდეთ, გაგებით ვეკიდებით ყველაფერსო, ეს იზოლაციის პერიოდი ისეც მოახდენს გავლენას ამ ურთიერთობებზე.
გადაიკორონებს და რას მივიღებთ? – სოფლისგან უარყოფილ, ზურგშექცეულ ადამიანებს. ეს ისეც ასე იქნება. სოციალური დისტანცია ურთიერთობებს შეცვლის და ამას მედიის მიერ დაინფიცირებულების (ან შესაძლო დაინფიცირებულების) სტიგმატიზება აღარ სჭირდება. საკმარისია ის სტატისტიკა, რასაც გვაწვდიან – არ უნდა ამას იზოლაციაში მყოფთა ოჯახებში სირბილი.
უნდა გვახსოვდეს:
– ავადმყოფობა სირცხვილი არაა. უბრალოდ, უნდა დავიცვათ ის მოთხოვნები (და თხოვნები), რასაც პროფესიონალები უსვამენ ხაზს!
– პანდემია სკანდალი არაა – სახადია, რომელიც ერთად უნდა მოვიხადოთ და ჟურნალისტებმა მხოლოდ გულშემატკივრის პოზიციიდან მივაწოდოთ ინფორმაცია საზოგადოებას!
– მედიის საქმიანობის მთავარი პრინციპი უნდა იყოს: „არ ავნო!“
ამ უკანასკნელის შეუსრულებლობის შედეგი კი საშინელი იქნება – დაწყებული გაბოროტებული ადამიანებიდან, დასრულებული თვითმკვლელობით – ყველა ვერ გადახარშავს, რომ მისმა ქცევამ ადამიანების დაინფიცირება გამოიწვია.
ფრთხილად ვიყოთ! მეტი არაფერი.
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში
„თუ გაიძულებენ, გთხოვენ, აქციაზე წამოსვლას,