მთავრობის განკარგულებით, ხარაგაულის მუნიციპალიტეტს, გასული წლის ივნისში სტიქიით დაზიანებული შვიდი ხიდის აღსადგენად – 178 000 ლარი გამოეყო.

ამ თანხით დაგეგმილია ანეულაში, სარგვეშში (ცისკაძეების უბანი), ლაშეში (კერესელიძეების უბანი) და ასევე ბაზალეთში მდ. ჩხერიმელაზე არსებული საცალფეხო ხიდების რეაბილიტაცია; დეისსა და მარელისში ცისკაძეების უბნის ხიდ-ბოგირების გამაგრება. მარელისის მთის ძირის უბანში აპირებენ 2 საცალფეხო ხიდის აღდგენას.

მთავრობის განკარგულებით ასევე ვარძიის საუბნო გზის სარეაბილიტაციოდ 371 013 ლარი გამოიყო.

ფოტოზე: საცალფეხო ხიდი ბაზალეთში, მდ. ჩხერიმელაზე