ხარაგაულის მშენებარე ტაძარში სამუშაოები გრძელდება. ამჟამად ტაძრის შესასვლელ კარებზე მეჩუქურთმე მუშაობს.

ორშაბათიდან კედლებსა და იატაკზე მარმარილოს ფილების დაგება დაიწყება. რა ვადაში დასრულდება მშენებლობა, – ამაზე ზუსტი პასუხი ტაძრის მშენებლობის ხელმძღვანელ ირაკლი ებანოიძეს არ აქვს:

„ყველა ხედავს, ჩვენს ქვეყანასა და მთლიანად მსოფლიოში რა მდგომარეობაც შეიქმნა, კორონავირუსის პანდემიასთან დაკავშირებით. ფილები შეძენილი გვაქვს და გავაკეთებთ. ამის სახსრები გაგვაჩნია. თუმცა, შემდეგ როგორ გაგრძელდება სამშენებლო სამუშაოები, აღარ ვიცი. არც ფინანსები ჩანს, ჯერჯერობით. საქველმოქმედო ღონისძიებებიდან შემოსული თანხები ამოიწურა. რა და როგორ იქნება, ყველა ერთად ვნახავთ“, – ამბობს ირაკლი ებანოიძე.