ამ წუთებში მთავრობის ადმინისტრაციაში ბრიფინგი მიმდინარეობს.

ბრიფინგზე აღინიშნა, რომ საქართველო დაავადების გავრცელების შენელების ეტაპზე იმყოფება.

ახლა მთავარი შემდეგი ეტაპებისთვის ადექვატური მომზადებაა.

ეპიდემიის შეჩერების უმთავრეს მექანიზმად კვლავ სოციალური დისტანცირება რჩება.

ამიტომ მაქსიმალურად ყველა უნდა დავრჩეთ სახლში!

საქართველოში ამ დრომდე ლაბორატორიულად დადასტურებული 43 შემთხვევაა. ამ შემთხვევათა უმეტესობა იმპორტირებულია. 43 ინფიცირებულიდან ერთი უკვე გამოჯანმრთელდა. 3-4 დღეში კიდევ ელოდებიან ინფიცირებულების გამოჯანმრთელებას.

დაავადებათა კონტროლის ცენტრის დირექტორმა, ამირან გამყრელიძემ ბრიფინგზე აღნიშნა, რომ დღეს, 20 მარტს, 100-მდე ნიმუში გაიტესტება. 30 იანვრიდან დღემდე 1073 შესაძლო შემთხვევაა გამოკვლეული.
საკარატინო ზონაში ამჟამად 1575 ადამიანი იმყოფება.
191 პირი თვითიზოლაციიდან გამოვიდა იმის გამო, რომ კორონავირუსი არ დაუდასტურდა.
დღეისათვის თვითიზოლაციაში 1781 ადამიანი იმყოფება.

ინფექციის შეკავებასთან დაკავშირებით, რაც დღემდე ქვეყანამ ნაბიჯები გადადგა – ეს ყველაფერი სწორია, – ამბობს ამირან გამყრელიძე, – ახლა მთავარია, შეკავების მექანიზმების აღსრულებაზე გამახვილდეს ყურადღება. ეპიდემიის შენელების ყველაზე მძლავრი მექანიზმი სოციალური დისტანცირებაა.

დაავადებათა კონტროლის ცენტრს კორონავირუსის ტესტების მარაგი აქვს. უნდა მოხდეს ტესტირების დეცენტრალიზაცია, რომ ხელმისაწვდომი იყოს უფრო ფართოდ კლინიკებისა და მოსახლეობისათვის.

ტექსტი უნდა გაუკეთდეს მას, ვისაც ექიმი ჩათვლის საჭიროდ.