კორონავირუსის პანდემიის პირობებში როგორ აგრძელებს მუშაობას, – ამის გასარკვევად სს ენერგო-პრო ჯორჯიას საზოგადოებასთან ურთიერთობის სპეციალისტს, თეონა, გეგუჩაძეს, დავუკავშირდით.

– მსოფლიო ჯანდაცვის ორგანიზაციის რეკომენდაციების შესაბამისად, Covid-19 ვირუსის გავრცელების პრევენციისა და თანამშრომლების მაქსიმალურად დაცვის მიზნით სს ენერგო-პრო ჯორჯიამ რამდენიმე დღის წინ მიიღო გადაწვეტილება პერსონალის ნაწილის სახლიდან მუშაობის რეჟიმზე გადაყვანის შესახებ, – ამბობს თეონა გეგუჩაძე, – გუშინ საქართველოს მთავრობის მიერ ზომების გამკაცრების შესახებ გამოცემული რეკომენდაციის თანახმად, კომპანიის ტექნიკურ პერსონალსაც მიეცა მითითება სახლში დარჩენის შესახებ, გარდა მორიგე პერსონალისა.

ამჟამად კომპანიაში მიმდინარეობს მხოლოდ ავარიების სალიკვიდაციო და სასიცოცხლო ობიექტებისთვის ძაბვის უწყვეტად მიწოდებისთვის აუცილებელი სამუშაოები. თუმცა გადაუდებელი აუცილებლობის შემთხვევაში ტექნიკური პერსონალის საჭირო რაოდენობა, უსაფრთხოების ნორმების მაქსიმალურად დაცვით, გამოძახებული იქნება სამუშაოებში ჩასართავად.

აღსანიშნავია აგრეთვე, რომ ელექტროენერგიის მიწოდების კუთხით არც ერთ რეგიონში პრობლემები არ არის შექმნილი და აბონენტების ენერგომომარაგება ჩვეულ რეჟიმში ხორციელდება.