კორონავირუსის გავრცელების პრევენციის მიზნით ხარაგაულში მასწავლებლებმა აბიტურიენტებთან მეცადინეობები შეწყვიტეს.

ხარაგაულის #2 სკოლის მე-12 კლასის მოსწავლე თამარ ჭიპაშვილი ამბობს, რომ მას ონლაინ მეცადინეობები ისტორიასა და ინგლისურში უტარდება. დანარჩენ საგნებში მასწავლებლებმა დავალებები მისცეს.

-აბიტურენტებს მუდმივად გვჭირდება ტესტირება და მასწავლებლის კონსულტაცია, – ამბობს თამარი, – ახლა სხვა გზა არ დაგვრჩენია, სახლში უნდა ვიმეცადინოთ. ორშაბათიდან უნდა შევკრებილიყავით, მაგრამ გაურკვევლობაში ვართ, რა ბედი გველის აბიტურიენტებს, არ ვიცით.

ინტერნეტში წავიკითხე, რომ შესაძლოა, მეორე სემესტრის მასალები ერთიანი ეროვნული გამოცდების საკითხებში არ შეიტანონ. ეს ჩვენთვის დიდი შეღავათი იქნება.