კორონავირუსის საფრთხესთან დაკავშირებით, ჯანდაცვის ორგანიზაციების მკაცრი რეკომენდაციების გათვალისწინებით ხარაგაულის კულტურისა და ხელოვნების ცენტრში შემავალი ორგანიზაციები – ხარაგაულის ცენტრალური ბიბლიოთეკა და მასში შემავალი განყოფილებები, ისტორიული მუზეუმი, კულტურის სახლი, რეზო თაბუკაშვილის სახელობის ლიტერატურული თეატრი, ხარაგაულის ბიბლიოთეკის ინოვაციების ცენტრი ფუნქციონირებას 1 აპრილამდე წყვეტენ.

ცენტრის ადმინისტრაცია მუშაობას განაგრძობს.

ხარაგაულის კულტურისა და ხელოვნების ცენტრის დირექტორის ნიკოლოზ მაჭავარიანის, ინფორმაციით, ცენტრში შემავალ ორგანიზაციებში სადეზინფექციო სამუშაოები ყოველ კვირაში ტარდება.

ფოტოზე: ხარაგაულის ცენტრალური ბიბლიოთეკა.