ხარაგაულის ერთ-ერთ სოფელში დაკრძალვაზე, სადაც იტალიიდან ოთხი დღის წინ დაბრუნებული ჭირისუფალი იმყოფება, ყველა ღონეს ხმარობენ კორონავირუსის პრევენციისთვის საჭირო რეკომენდაციების შესასრულებლად.

ეს ინფორმაცია ხარაგაულის საზოგადოებრივი ჯანდაცვის ცენტრის  დირექტორმა შმაგი ხიჯაკაძემ მოგვაწოდა.

მისი ინფორმაციით, დაკრძალვის მიმდებარე ტერიტორიაზე იმყოფება ადგილობრივი ხელისუფლების წარმომადგენელი, რომელიც დაკრძალვაზე მისულებს შექმნილ სიტუაციას აცნობს. ჭირისუფლებს სამედიცინო ნიღბები დაურიგეს.

შმაგი ხაჯაკაძე ამბობს, რომ დაკრძალვის დამთავრებისთანავე ხარაგაულში იტალიიდან ოთხი დღის წინ ჩამოსულ ქალს კარანტინში გადაიყვანენ.