წუხელ ხარაგაულის საზოგადოებრივი ჯანდაცვის ცენტრმა გაავრცელა ინფორმაცია, რომ იტალიიდან ხარაგაულის ერთ-ერთ სოფელში სამი დღის წინ ჩამობრძანებული ქალბატონი, რომელსაც დღეს მეუღლის დაკრძალვა აქვს, თვითიზოლაციაში იმყოფება.

ამ დილით ჩვენ ეს ინფორმაცია გადავამოწმეთ და აღმოჩნდა, რომ ხარაგაულის საზოგადოებრივი ჯანდაცვის ცენტრისგან წუხელ გავრცელებული ეს ინფორმაცია სინამდვილეს არ შეესაბამება.

თვითმხილველების თქმით, ამ დილით, ჩასასვენებლის ფული მეკუბოვეს ჭიშკართან თავად ამ ქალმა გადასცა.

კორონავირუსის პანდემიისგან დაცვის ერთ-ერთი აუცილებელი პირობა ჯანდაცვის მსოფლიო ორგანიზაციისგან შემუშავებული რეკომენდაციების ზუსტი დაცვაა. იტალიიდან ახლახან დაბრუნებული პირები თვითიზოლაციას ექვემდებარებიან.

გამომცემლობა „ჩემი ხარაგაული“ ჯანმრთელობას და სულიერ სიმშვიდეს გისურვებთ.