ამ საკითხის გასარკვევად გამომცემლობა „ჩემი ხარაგაული“ დაავადებათა კონტროლის ეროვნულ ცენტრს დაუკავშირდა.

ცენტრიდან მოპოვებული ინფორმაციით, ჯერჯერობით არდადეგების გაგრძელების რეკომენდაცია განათლების სამინისტროსთვის არ მიუციათ. გადაწყვეტილებას კვირის განმავლობაში, ეპიდსიტუაციის განვითარების მიხედვით, მივიღებთ – გვიპასუხეს დაავადებათა კონტროლის ეროვნული ცენტრის პრესცენტრიდან.

სასკოლო არდადეგები 16 მარტამდეა გამოცხადებული.

stopcov.ge-ს ინფორმაციით, საქართველოში ამ მომენტისთვის კორონავირუსის 15 დადასტურებული შემთხვევაა, კარანტინის რეჟიმშია 178 პირი, სტაციონარში მეთვალყურეობის ქვეშ – 56.

ფოტოზე: ხარაგაულის #3 სკოლა