ეს ინფორმაცია რიკოთის ავტობანის მშენებელი ჩინური კომპანიის ექიმ ალექსანდრე ბარბაქაძესგან მოვიპოვეთ.

ექიმის ინფორმაციით, ჩინეთის ცხრა მოქალაქიდან, რომლებიც მშენებლობაზე სამშობლოდან კორონავირუსის გავრცელების შემდეგ ჩამოვიდნენ, ორს კარანტინის ვადა ამოეწურა. ყველა დასაქმებულის ჯანმრთელობის მდგომარეობა სტაბილურია. კარანტინის პერიოდში მათ ტემპერატურის მატება, ან ვირუსისთვის დამახასიათებელი სხვა რაიმე სიმპტომი არ აღენიშნებოდათ.

ამჟამად კარანტინში ჩინეთის შვიდი მოქალაქე იმყოფება. მათ საკარანტინო ვადა ხუთ დღეში უმთავრდებათ.