ხარაგაულის საგანმანათლებლო რესურსცენტრი ახორციელებს საქველმოქმედო აქციას „ჩემი ბაღისთვის“. აქცია გამიზნულია ხარაგაულის მუნიციპალიტეტში მოქმედი საბავშვო ბაღებისთვის. აქციის მხარდამჭერია ხარაგაულის სკოლამდელ დაწესებულებათა გაერთიანება.

აქციაში მონაწილეობა შეუძლია ყველას, ვისთვისაც სკოლამდელი განათლება მნიშვნელოვანია; უყვარს და ენატრება ის ადგილი, სადაც ბავშვობის დაუვიწყარი წლები გაატარა.

19 თებერვალს ხარაგაულის საგანმანათლებლო რესურსცენტრის სკოლამდელი განათლების სპეციალისტმა ნათია კაციტაძემ საბავშვო ბაღების გამგეებს საქველმოქმედო აქციის ფარგლებში დღემდე შეგროვილი საბავშვო ლიტერატურა გადასცა.

ხარაგაულის #1 საბავშვო ბაღის აღსაზრდელებს წიგნები აჩუქა ლალი ტალახაძემ, მაია ბერაძემ, მზეო ბერაძემ, ბაქარი დევდარიანმა, ნანა მენაბდემ, ლელა უჩიძემ, ხარაგაულის #3 საჯარო სკოლამ და საგანმანათლებლო რესურსცენტრმა.

ხარაგაულის #2 საბავშვო ბაღის აღსაზრდელები წიგნებით დაასაჩუქრეს ანა ჭყოიძემ, მაია ბერაძემ და მზია აბულაძემ; წყალაფორეთის საბავშვო ბაღი – სოფო არჯევანიძემ და ნანა მენაბდემ; კიცხის საბავშვო ბაღი – კოტე მაჭავარიანმა, ხევის საბავშვო ბაღი – ნუგზარ ნავაძემ.

ლეღვნის სკოლამ ლეღვნის საბავშვო ბაღის აღსაზრდელებისთვის შეიძინა საბავშვო ლიტერატურა, ვერტყვიჭალის სკოლამ – ვერტყვიჭალის ბაღისთვის, ხუნევის სკოლამ – ხუნევისა და გედსამანიის საბავშვო ბაღებისთვის, ხევისა და ლაშის სკოლებმა – ხევისა და ლაშის საბავშვო ბაღებს. ნადაბურის სკოლის პედაგოგებმა საბავშვო წიგნები ნადაბურის ბაღს, ვარძიის სკოლამ კი ვარძიის ბაღს გადასცა.

განათლების მუშაკთა ხარაგაულის რაიონული ორგანიზაციის თავმჯდომარე ლალი სებისკვერაძემ საბავშვო ლიტერატურა მუნიციპალიტეტში მოქმედ იმ 14 საბავშვო ბაღს შეუძინა და აჩუქა, სადაც განათლების პროფკავშირის წევრები მუშაობენ.

ხარაგაულის საგანმანათლებლო რესურსცენტრის სკოლამდელი განათლების სპეციალისტი ნათია კაციტაძე და ხარაგაულის სკოლამდელ დაწესებულებათა გაერთიანების დირექტორი მამუკა ჭიპაშვილი მადლობას უხდის აქციაში მონაწილეებს.

აქცია 1 მარტამდე გაგრძელდება.

წიგნების შეგროვება ხარაგაულის საგანმანათლებლო რესურსცენტრში (9 აპრილის ქ. N15) მიმდინარეობს.