დღეს დილით უბისაში, რიკოთის საავტომობილო მაგისტრალის მშენებლობაზე, სამშენებლო ობიექტი ჩამოინგრა. ავტობანის უბისა-შორაპანის მონაკვეთს ჩინური კომპანია „China Road and Bridge Corporation“ ააშენებს.

ნგრევაში სამი დასაქმებული მოჰყვა. მათგან ორი მსუბუქად დაშავდა, ხოლო ერთი დასაქმებულის მდგომარეობა მძიმეა.

დაშავებულები ქუთაისისა და ზესტაფონის საავადმყოფოებში გადაიყვანეს.

გამოძიება 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

ჩინურ კომპანიასთან დასაქმებულებს დაწყებული აქვთ კოლექტიური შრომითი დავა. შრომის უსაფრთხოების და შრომითი პირობების უხეში დარღვევის ფაქტები პროფკავშირის მხრიდან უკვე იდენთიფიცირეულია და მიმდინარეობს მედიაციის პროცესი.