საკონსტიტუციო სასამართლო დაგროვებითი საპენსიო სისტემის გაუქმების შესახებ სარჩელს, სავარაუდოდ, თებერვლის ბოლოს განიხილავს.

ეს ინფორმაცია მოსარჩელე მხარის, ა/ო „საქართველოს დემოკრატიული ინიციატივის“ დირექტორ გიორგი მშვენიერაძისგან მოვიპოვეთ.

საკონსტიტუციო სასამართლოში სხდომა 2020 წლის იანვრის ბოლოს უნდა გამართულიყო. სხდომის გადადების მიზეზი მოსარჩელე მხარისთვის უცნობია.

საქართველოში პენსიის დაგროვების ახალი სისტემა 2019 წლის პირველი იანვრიდან ამოქმედდა. ამ სისტემით, დანაზოგი დამსაქმებლის, დასაქმებულისა და სახელმწიფოს თანამონაწილეობით იქმნება.