სერტიფიცირების მსურველთათვის ელექტრონული რეგისტრაცია განათლების სამინისტროს ვებგვერდზე დღეს, 3 თებერვალს დაიწყო და  17 თებერვლამდე გაგრძელდება.

სერტიფიცირება ორი ნაწილისაგან შედგება – ტესტირება და გასაუბრება.

კონკურსში მონაწილეობა შეუძლია უმაღლესი განათლების მქონე პირს, რომელსაც მუშაობის არანაკლებ 3 წლის გამოცდილება, აქედან, განათლების სფეროში სწავლების არანაკლებ ერთი წლის სტაჟი აქვს.

ტესტირება ელექტრონული ფორმით ჩატარდება. კონკურსანტის კომპეტენცია და უნარები წარმატებით დაძლეულად ჩაითვლება ტესტის მაქსიმალურ ქულათა 60%-ის დაგროვების შემთხვევაში. კონკურსანტი შეფასებას ტესტის დასრულებისთანავე შეიტყობს. ტესტირების წარმატებულად გავლის შემდგომ კი გასაუბრების ეტაპზე გადავა.

ხარაგაულის საგანმანათლებლო რესურსცენტრიდან მოპოვებული ინფორმაციით, ეს პროცესი ყველა სკოლის დირექტორს არ ეხება. ხარაგაულის მუნიციპალიტეტში მოქმედი 25 საჯარო სკოლის დირექტორიდან 18 სერთიფიცირებულია. არასერთიფიცირებული, დირექტორობის მოვალეობის შემსრულებელი ხარაგაულის მუნიციპალიტეტში მხოლოდ 7 სკოლას ჰყავს.