რეგიონებში განსახორციელებელი პროექტების ფონდიდან 2020 წელს სოფლის მხარდაჭერის პროგრამის ფარგლებში 54 მუნიციპალიტეტისთვის 40 392 000 ლარი გამოიყო.

მათ შორის – იმერეთის რეგიონში

  • ხარაგაულის მუნიციპალიტეტისთვის განსაზღვრულია 890 000 ლარი;
  • ბაღდათის მუნიციპალიტეტისთვის – 346 000 ლარი;
  • ვანის მუნიციპალიტეტისთვის – 570 000 ლარი;
  • ზესტაფონის მუნიციპალიტეტისთვის – 822 000 ლარი;
  • თერჯოლის მუნიციპალიტეტისთვის – 690 000 ლარი;
  • სამტრედიის მუნიციპალიტეტისტის – 660 000 ლარი;
  • საჩხერის მუნიციპალიტეტისთვის – 672 00 ლარი;
  • ტყიბულის მუნიციპალიტეტისთვის – 532 000 ლარი;
  • წყალტუბოს მუნიციპალიტეტისთის – 704 000 ლარი;
  • ჭიათურის მუნიციპალიტეტისთვის – 812 000 ლარი;
  • ხონის მუნიციპალიტეტისთის – 470 000 ლარი.

სოფლის მხარდაჭერის პროგრამის ფარგლებში დასაფინანსებელი პროექტების შერჩევის პროცედურები და კრიტერიუმები მთავრობის #654 დადგენილებით განისაზღვრა.

ამ დადგენილების მიხედვით:

  • დასახლებას, სადაც 200-მდე მაცხოვრებელია, 10 000 ლარი გამოეყოფა;
  • დასახლებას, რომელშიც მაცხოვრებელთა რაოდენობა 201-დან 400-მდე მაცხოვრებელს შეადგენს – 12 000 ლარი;
  • დასახლებას, რომელშიც მაცხოვრებელთა რაოდენობა 401-დან 1000 მაცხოვრებლამდეა – 16 000 ლარი;
  • დასახლებას რომელშიც მაცხოვრებელთა რაოდენობა 1000-ს აღემატება, 20 000 ლარი გამოეყოფა.

პროექტებისთვის გამოყოფილი თანხის ოდენობის თაობაზე მოსახლეობის ინფორმირებას შესაბამისი მუნიციპალიტეტის მერი უზრუნველყოფს.

სოფლის მხარდაჭერის პროგრამის ფარგლებში დასაფინანსებელი პროექტების ნუსხაში ცვლილება მთავრობის დადგენილებით შევიდა. წელს პროგრამით აღარ დაფინანსდება კულტურის ობიექტების რეაბილიტაცია, სასაფლაოების შემოღობვა და თავშეყრის ადგილების მოწყობა.

ხარაგაულის მუნიციპალიტეტში სოფლის მხარდაჭერის პროგრამის ფარგლებში მოსახლეობასთან შეხვედრები, მერიის ადმინისტრაციის სამსახურის უფროს კახა გოლუბიანის ინფორმაციით, 3 თებერვლიდან დაიწყება.

ფოტოზე: შეხვედრა სოფელ ბრუისის მოსახლეობასთან, 2019 წ.