საკონსტიტუციო სასამართლო დაგროვებითი საპენსიო სისტემის გაუქმების შესახებ სარჩელს, სავარაუდოდ, იანვრის ბოლოს განიხილავს.

ეს ინფორმაცია მოსარჩელე მხარის, ა/ო „საქართველოს დემოკრატიული ინიციატივის“ დირექტორ გიორგი მშვენიერაძისგან მოვიპოვეთ.

საკონსტიტუციო სასამართლოში სხდომა 2019 წლის დეკემბერში უნდა გამართულიყო, მაგრამ პირები, რომლებიც სასამართლოს უნდა დაეკითხა, იმ დროს საქართველოში არ იმყოფებოდნენ.

შეგახსენებთ, რომ საქართველოში პენსიის დაგროვების ახალი სისტემა 2019 წლის პირველი იანვრიდან ამოქმედდა. ამ სისტემით დანაზოგი დამსაქმებლის, დასაქმებულისა და სახელმწიფოს თანამონაწილეობით იქმნება.