ანა გერმანიაში სასწავლებლად გაზაფხულზე გაემგზავრება. ის ერთი სემესტრი ვიადრინას ევროპულ უნივერსიტეტში ისწავლის. გერმანიიდან უნივერსიტეტში სწავლის გაგრძელებაზე თანხმობის წერილი ანამ წინასაახალწლოდ მიიღო.

ანა დეკანოსიძემ თბილისის სახელმწიფო უნივერიტეტის ჰუმანიტარულ მეცნიერებათა ფაკულტეტის ბაკალავრიატი კულტურის კვლევის სპეციალობით დაასრულა.

„ყოველთვის მინდოდა უნივერსიტეტში მიღებული ცოდნა გამეფართოვებინა, ამიტომ გაცვლითი პროგრამით დავინტერესდი, – გვიამბობს ანა დეკანოსიძე, – შესარჩევი ეტაპი საბუთების შეგროვებას მოიცავს. ძირითადი ყურადღება ექცევა სამოტივაციო წერილს, რომელიც ინგლისურ ენაზე დავწერე, ასევე უცხო ენის ცოდნასა და მაღალ აკადემიურ მოსწრებას. ბოლო ეტაპი გადაწყვეტილების მიმღებ კომისიასთან გასაუბრებაა. კომისია იმ სტუდენტების საბუთებს, რომლებმაც წარმატებით გაიარეს გასაუბრება, პარტნიორ უნივერსიტეტში აგზავნიან.

ძალიან გახარებული ვარ. გერმანიაში კულტურის კვლევის შესწავლას გავაგრძელებ. იმედი მაქვს, მომავალ საქმიანობასაც ამ სპეციალობას დავუკავშირებ“.

თამთა გოგოლაძე