12 ნოემბერს ხუნევისა და ბორითის საჯარო სკოლების ეკოკლუბების მოსწავლეები ბორჯომ-ხარაგაულის ეროვნულ პარკში იმყოფებდნენ.

მოსწავლეები ეკოკლუბების ლიდერ მასწავლებელ რაგული კალანდაძესთან ერთად ეროვნული პარკის სათაო ოფისს ეწვივნენ.

ვიზიტორთა მომსახურების სპეციალისტმა ნინო ავეტისიანმა მათ წარუდგინა პრეზენტაცია ბორჯომ-ხარაგაულის ეროვნული პარკის ბიომრავალფეროვნების შესახებ; გააცნო ეროვნული პარკის ტურისტული ბილიკები, ინფრასტრუქტურა, რეინჯერთა საქმიანობა, დაცული ტერიტორიების მნიშვნელობა.

მოსწავლეებმა დალაშქრეს ეროვნული პარკის 12 ბილიკიდან ერთ- ერთი – ნაკვალევის ბილიკი, დაათვალიერეს ქვაბისხევის კანიონი და მოილოცეს წმინდა მარიამის ეკლესია ქვაბისხევში და მწვანე მონასტერი ჩითახევში.

ეკოკლუბელების „მწვანე სამყაროსა“ და „მომავლის მცველების“ წევრებს შეხვდნენ ბორჯომ-ხარაგაულის ეროვნული პარკის რეინჯერები.

ეკუკლუბელებისთვის ყველაზე საინტერესო და შთამბეჭდავი აღმოჩნდა ღვაწლმოსილი რეინჯერის კუკური სარალიძის ბიოგრაფიის გაცნობა და მისი სახელობის ტურისტთა თავშესაფარ „კუკურას ქოხის“ მონახულება.

შემეცნებით-საგანმანათლებლო ტური პატარა ეკოლოგებში გარემოსდაცვითი ცნობიერების ამაღლებას ხელს უწყობს.