ხარაგაულის სპორტულ დარბაზში „სპორტისა და ტურიზმის ცენტრის ორგანიზებით, 25 დეკემბერს, კალათბურთში მუნიციპალიტეტის პირველობა გაიმართა.

შეჯიბრი გოგონებს შორის ჩატარდა და მასში ხარაგაულის N 3, ნადაბურის, ვერტყვიჭალის და ხევის საჯარო სკოლის გოგონათა გუნდები მონაწილეობდნენ.

ფინალურ შეხვედრაში ერთმანეთს ხარაგაულის N 3 და ვერტყვიჭალის საჯარო სკოლის გუნდები დაუპირსპირდნენ,

წელს უკვე მეორედ, ტურნირის გამარჯვებული ვერტყვიჭალის საჯარო სკოლის გუნდი გახდა (მწვრთნელი ნუგზარ კაპანაძე).