დამდეგი 2020 წელი მიულოცა და ტკბილეულით დაასაჩუქრა ხარაგაულელი მეხანძრე-მაშველები ხარაგაულის მუნიციპალიტეტის საკრებულოს თავმჯდომარის მოადგილე რუსუდან გიორგაძემ.

„ღმერთმა თქვენი თავი არ დაგვაჭირვოს, მაგრამ სანაქებო და საიმედოები ხართ არა მარტო ჩემთვის, არამედ ყველა ხარაგაულელისთვის, – მიმართა რუსუდან გიორგაძემ მეხანძრე-მაშველებს, – სიკეთეს და წარმატებებს გისურვებთ. დილაადრიან სახანძროს შენობასთან რომ ჩამოვივლი, თქვენი მოსალმებით გამოხატული დადებითი ემოცია მთელი დღე მიმყვება.“

ხარაგაულის სახანძრო-სამაშველო სამსახურის უფროსმა მიხეილ ბუაჩიძემ და მეხანძრეებმა საჩუქრებისთვის რუსუდან გიიორგაძეს მადლობა გადაუხადეს.

საკრებულოს წევრებმა პაატა გოგოლაძემ და შალვა ლურსმანაშვილმა მეხანძრე-მაშველების პროფესიის სირთულესა და მათ თავდადებაზე ისაუბრეს, მშვიდობიანი ახალი წელი უსურვეს და მადლობა გადაუხადეს.