დღეს, 23 დეკემბერს, ხარაგაულის კინოთეატრში კონკურსის „ვიცნობდეთ ხარაგაულს“ ფინალი გაიმართა.

ფინალურ შეხვედრაში ზონალურ ტურებში გამარჯვებული ბორის, ვერტყვიჭალის, მოლითის, ხარაგაულის #3 საჯარო სკოლებისა და სასულიერო გიმნაზიის გუნდები მონაწილეობდნენ.

კონკურსში სასულიერო გიმნაზიის გუნდმა გაიმარჯვა. გუნდის კაპიტან საბა ებანოიძეს ხარაგაულის მუნიციპალიტეტის მერმა ნიკო თოფურიძემ თასი გადასცა. გუნდის წევრები მედლებითა და სიგელებით დაჯილდოვდნენ. მერი ფინალში მონაწილე გუნდებს გაზაფხულზე ბათუმში ექსკურსიის დაფინანსებას დაჰპირდა.

კონკურსი „ვიცნობდეთ ხარაგაულს“ 2013 წლიდან „ხარაგაულის სპორტისა და შიდა ტურიზმის ცენტრის“ (დირექტორის გრიგოლ ჭიპაშვილი) ორგანიზებით იმართება.