გასულ კვირაში ხარაგაულში გავრცელდა ინფორმაცია, რომ რიკოთის უღელტეხილზე ავტობანის მშენებლებმა ხევის საბავშვო ბაღისა და საზოგადოებრივი ცენტრის დაუყოვნებლივ დაცლა მოითხოვეს.

ხარაგაულის სკოლამდელ დაწესებულებათა გაერთიანების დირექტორის, მამუკა ჭიპაშვილისგან მოპოვებული ინფორმაციით, ხევში საბავშვო ბაღი ფუნქციონირებას ძველ შენობაში გააგრძელებს იმ დრომდე, სანამ ბაღისთვის ახალი შენობა არ აიგება.

ხევის ადმინისტრაციულ ერთეულში მერის წარმომადგენელ გელა კოპაძის ინფორმაციით, მან მუნიციპალიტეტის მერისგან შეიტყო, რომ ხევში საბავშვო ბაღისა და საზოგადოებრივი ცენტრისთვის ახალი შენობების მშენებლობა, სავარაუდოდ, 2020 წლის იანვრიდან დაიწყება.

მშენებლობის დასრულებამდე საბავშვო ბაღი და საზოგადოებრივი ცენტრი არსებულ შენობებში იფუნქციონირებენ.